طال إغيابك يا غايبنه طال إغيابك يا غايبنه

إنقدم لك هذي شكوتنه يالمهدي و تعرف حالتنه

منهو إيحل غيرك شدتنه و من إعداك إحنه إتصوبنه

إتصوبنه و منهو اليحمينه طال إغيابك تدري إعلينه

بإسمك يالحجه نادينه و جم طاغي قام إيحاربنه

ظلينه إبهالحاله الخطره و إحنه الحد ما نعرف أمره

يبن الهادي و يبن الزهره إبكل واقع إحنه إتطلبنه

جم محنه إبمحنه إجرعناها و إحنه الشخصك قدمناها

هاي الأمه من يرعاها و قامت إعدانه إتسلبنه

إتسلبنه إبيا صوره و منظر ما ندري إشيردون أهل الشر

يالغايب جا يمته تظهر وياك إنقاتل تطلبنه

ما عدنه غيرك يالغايب و الحقنه المغصوب إتطالب

من غيرك نقصد له إنعاتب مكتبنه الواقع مكتبنه

إبيا صوره النحجي و نتكلم و إبكل موضوع إنت الأعلم

عودك جبده إتصوب بالسم إطلب ثاره بيك إنذبنه