لو طالت حياتي...وعيني تنظر ...صاحب الثار

بدماهم ما اطالب ...اعله ثار حسين أحاسب ...صاحب الثار

رواية عن محمد والذي يرويها حيدر

يقول من السلالة الطاهرة مهدينا يظهر

الارض يمليها قسطا عقب ما يملوها منكر

رواية تذكرتها وقلبي ب همومه تفقر

رد طعن الهواشم ...بس فواطم ...ويه الايتام

للمهدي ذكرته ...وانا انحب ...والقلب هام

تصد عيني وتراقب ...اعله ثار حسين أحاسب ...صاحب الثار

دخل بشر بن حذلم ينعى باطراف المدينه

بحزن جيته وسالته قلت له وين حسين وينه

هتف راحوا بنينج راحوا اربعتهم يالحزينه

عزيزج قمر هاشم قطعوا يساره ويمينه

عن حسين انشدك لن يجاوب وبحزن صاح

ريحانة محمد جسمه دامي ع الترب طاح

بسفك دم الاطايب ...اعله ثار حسين أحاسب ...صاحب الثار

سمعت الناعي ينعى وحزن من هاللحظة يبدي

انفتح عالم خيالي والمصيبة بروحي تحدي

هملت مذبح بنيني الاهم فقد حسين عندي

الحفر ثاره بدليلي صوتي ينهج مهدي مهدي

ليل نهار افكر وين شبلك يا علي وين

وين ابن الوديعة واللي ياخذ ثار الحسين

احشم وما اعاتب ...اعله ثار حسين أحاسب ...صاحب الثار

اذا طالت حياتي ويرجع الحق النصابه

اذا للمهدي شفته عقب ميلاده وغيابه

عليه اقسم واحلفه بكسر امه ومصابه

علي اقسم بطبرة علي الصار الدم خضابه

لا يذكر بنيني ما اريدن ثار الاولاد

ثار حسين احشمه اللي توزع فوق الاوهاد

شللي بثار الغوالب ...اعله ثار حسين أحاسب ...صاحب الثار