زاورك احرار...مشاية ع النار

والراية يحسين... مختومة بالثار

بسم المنتظر هزت...طفوف الغاضرية

وادي كربله يروي بشجن أعظم روايه

رفت راية الحمره على العالم هدايه

من مكة ابتدت قصة ذبح والطف نهايه

النهاية كربله والمنتهى منها البدايه

مشانه العهد والمعتقد مشية ولايه

يحدينه الحزن والتلبية بوادي المنايه

نتأسى بجرح ذيك المشت بين الضحايه

زينب يا عظم زينب غدت كعبة رزايه

مشت ويه الحرم عبرة وحرايركم سبية

مهدينه رفع راية وسطع بالكون نوره

ورفت ع البشر من كربله راية ظهوره

مشينه الحضرتك يا سيدي القبرك نزوره

ويزيد الطاغية وكل طاغية نسحق غروره

كل شيعي ومحب يهوى علي واجب حضوره

يمزج بالدمع دمه ويصب حزنه بسروره

الف حجة الى الطاف وسعه بكعبة شعوره

وجدد بيعته للغايب وعظم اجوره

نعظم له الاجر و انشاركه بعبره جرية

وحق الي هوى يم رايته جنب الشريعه

يمصباح الهده وحق رايته كفه القطيعه

دمه الا جرى جدد عهد واجب البيعه

شيعة اعله العهد للمنتظر تعرفنه شيعه

راية عسكرك لا ما هوت يبن الوديعه

عهدك والشرف رغم الخطر لا ما نبيعه

نرفع رايتك فوق الثره بكل الوسيعه

نحرق كل قلب يا سيدي ابنار الفجيعه

إبكل دار وبلد لمصيبتك ننصب عزية

دمك من جره سال وكتب صك إنتصاره

نحرك من ذبح بسيف الشمر صدر قراره

ميت من قطع هذا النحر ملغي اعتباره

خالد هالعرش رغم الزمن كعبة مزاره

نار مخيمك شبت لظى قلوب الغياره

نارك ذوبت قلب الهده سلبت قراره

وجينا لكربله نعينه بكثر صبره على ثاره

نلوذ برحمته وننصب عزه ابهاي الزياره

نهل دمنا دمع مثله ونشب نار الرزية

امشي لترتبك يا سيدي واشتم عبيرك

وترابك وطن وانا الصرت بالحب سفيرك

اسير بمنهجك صامد ولا اغير مسيرك

هواي انت يبو اليمة هوا العالم اسيرك

عشت كل العمر وانا ارتوي بألطاف خيرك

عبراتي جرت قطرة وفاء بساحل غديرك

كبير انت يبو اليمة وانا الخادم صغيرك

أفك عيني النظر بين البشر ما اشوف غيرك

واظل خادم الك اقسم بضلع الزجية