لا تسافر روحي عندك... روحي عندك لا تسافر

لا تكابر لا يا جرحي ... لا ياجرحي لا تكابر

يا قلب يهجر خليله ... يا ابو يترك عليله

وياك اخذني اضوي بدروبك شمع... انا العليلة وبغيابك انفجع

اقسم عليك بفاطمة وكسر الضلع... لا لا تخليني غريبة وبالدمع

يا بويا تدري حالتي وهجرك صعب... خوفي عليك من الغدر بارض الغرب

اشعر يا بويا الكاتب اوراده وحرب... واشعر ضمايرهم عليكم تنقلب ... يا ضماير

يا بويا تدري محبتك ويا النبض ... كلمة وداعك مو سهل من تنلفظ

وياك اخذني مو بكت حتى الارض... افرش لك مصلايتك وقت الفرض

لا تمشي وتخلي دمع عيني يهل... يا والدي وليل الهجر ما ينحمل

خليني وياكم اهز مهد الطفل ... يا بو الوفا وجرح المشاعر مو سهل... بالمشاعر

يا بويا وعيونك تراويني صور... كل صورة اشوفك بيها مقطوع النحر

يا بويا ارحم حالتي واجل السفر... بعيونك انظر عمي يوقع ع النهر

وحدك تظل من ينصرع راعي العلم... وتعاين زنوده وتصيح من الالم

ما تغمض العين النبت بيها السهم ... زينب تشوفك من تعاود للخيم ... وانت حاير

يا بويا لو تمشي بعد ما ظن ترد... وانت الهوى وعنك ابد ما ابتعد

وشلون المثلث اذا طر الشبد... يا حيرة الحيرة على خيامك تصد

ما احمل فراقك يمن شوفك دوى... عطشانة ابقى ي اللي قلبك ما روى

خل صدرك وصدري يسحقوهن سوى... وياك اصيحن لو وقع راعي اللوى ... ماكو ناصر

يا بويه لتخليني وحدي إمروتك... لو أمشي وياكم و أقوم ابخدمتك

يا بويه ترضه إشلون تترك طفلتك... تقبل أموت ابحسرتي من فرقتك

يا بويه من بعدك أعيش ابيا أمل... يا بويه من يرحم عليله إبلا أهل

و الله يبو الأكبر تره جسمي نحل... و أعرف إذا ترحل يوافيني الأجل... إبقى ذاكر

وياك أسافر بويه لو ترجع إلي... يا بويه ما أقدر عله فرقة علي

يا ويلي من وحشة صوركم يا هلي... يا ويلي من جرح الشماته و عاذلي

ودعتك الله يا جرح فوق الجرح... يا بويه كل نظرة حزن طعنت رمح

أتمنت لو شوفة علي الأكبر تصح... يا بويه و إدموع اليتم ما تنمسح... مالي خاطر