لا تضم جبدك عليه ...و آنه يبن أمي إشبديه

القلب عاشر ونينه

إبشوغه و بدمعه يبو محمد قصدتك

تحجي ويه حسين أبو اليمه سمعتك

إتقله يا خويه الطشت زيحه اعله بختك

خويه ما ريدن تعاين جبدي إختك

و إختك الخايف عليها ...لا تظن تقطع بجيها

لمن إتحل المنيه ...و آنه يبن أمي إشبديه

القلب عاشر ونينه

جم إمصاب إختك يبو محمد فجعها

يالعشت وياها و إتعاين وضعها

لا و حق قبر أمك الزهره و ضلعها

لا تظن إختك بعد ينشف دمعها

خويه جم مره رماني ...و مدري شيضم لي زماني

ودعت أمي الزجيه ...و آنه يبن أمي إشبديه

القلب عاشر ونينه

هذا مو أول مصاب إختك هضمها

شافت إصواب الزجيه الزهره أمها

و جرح إبوها المرتضه الزيد ألمها

و من زغر شافت يبو محمد يتمها

إنصابت إختك من زغرها ...و قبعت ابهمها و صبرها

من بعد حامي الحميه ...و آنه يبن أمي إشبديه

القلب عاشر ونينه

إتخبرك الشيعه إبدمع عالخد تسيله

يالجنت قلبك يخاف اعله العقيله

شافت إمصاب الذي ما صح مثيله

حايره إبطف كربله و ما عدها حيله

و عالنهر جافل ضعنها ...و كسروا الصوت إبمتنها

إتنادي خويه ابهالمسيه ...و آنه يبن أمي إشبديه

القلب عاشر ونينه

و شافت حسين الحجر صوب جبهته

و سهم المقدر وسف قطع جبدته

و الشمر بيده دفعها و حز رقبته

و شافت الخيل الخذت جوله اعله جثته

شافته إبطيحت عضيده ...من لزم خاصرته بيده

و شافته إمسلب رميه ...و آنه يبن أمي إشبديه

القلب عاشر ونينه