يا صوب إرحلوا عنج فرقاهم هدم حيلي

يا دار الأهل يا دار حزنانه اعله فرقاهم

شالوا وين قلي لي أهلنه وين نلقاهم

شالوا يا بلد عنج أهلنه وين منواهم

و آنه إمدوهنه و أبجي حرمه و ما إلي والي

قمت أصرخ و أصيح ابصوت إعليه دورهم ظلمه

إشكثر خوان جو وياي و هالسا آنه إرجعت حرمه

إخواني و مزقوا جلدي شفت الدور مظلمه

جاوبني الصده بس عاد وين اهلج دقلي لي

أقل الدار حاجيني وين اهلي مشوا يا صوب

حسبت إحساب ألاقيهم و إحسابي طلع مقلوب

عفتهم نومه بالوادي و إحنه نسلك فيافي إدروب

جويه و ظل صبر عندي عقبهم ما نمت ليلي

جوى إشلون أنام الليل و جفن العين أغمضنه

عليكم بس أجر ونات كل ونه بألف ونه

أصيح إبصوت يبن أمي أخيي من إنين أجيبنه

و آنه اعله البعد مقدر فرقاهم هدم حيلي

يا دار الأهل يا دار يا صوب إرحلوا عنج

شالوا و المسير إبعيد ما يبطل بعد ونج

و أذكر زماني الفات من جانوا هلي يمج

فرقاهم حيلي أصيحن آه واويلي