من سلطة الظلام.. شاف اشكثر آلام

العابد المخلص تعرفه لمن إتميزه صفاته

موقفه و حرصه اعله دينه مو فقط صومه و صلاته

خاشع و ثابت يقينه و متصل بالباري ذاته

عن علي السجاد أخبرك بالصبر خلص حياته

إتعده الصبر أيوب.. حزن النبي يعقوب

خل تكتب الأقلام.. شاف اشكثر آلام

إنت من تقره الصحيفه تدرك السر ابدعائه

ايناجي ربه ابدمعه تجري و يلتمس عطفه ابرجائه

كل ذنب ما عنده هوه و يندعي ابحالة بكائه

و الجليل الجده أوهب رحمته و أرضه و سمائه

لا عن ذنب لا خوف.. يدعي ابقلب ملهوف

هالعبره للأيام.. شاف اشكثر آلام

هذي يالمسلم نصيحه الموقع العزه ترفعك

و الإمام ابسر دعائه قصده ينفعني و ينفعك

معركة دنيه طبعها و دعوتك للباري درعك

رحمته منك قريبه ابكل مكان إدعي و يسمعك

للخالق الدعوات.. مقرونه بالنيات

يا أمة الإسلام.. شاف اشكثر آلام

شبل أبو اليمه أذكره و بالحزن تخنقني عبره

بالألم خلص حياته و إنقضت حسره اعله حسره

اشحال البعينه يشاهد والده دم يجري نحره

عاين إخيول آل أميه قامت إتجول اعله صدره

من هجموا الأشرار.. بعيونه شاف النار

حرقت خدر و إخيام.. شاف اشكثر آلام

هالإمام ابعينه شاهد من زمانه جم مصيبه

ابيا صبر لمن دفنها جثة حسين السليبه

اموذره لمن نظرها و إنحنه و إشتد نحيبه

يصعب اعليه وصفها حالته حاله رهيبه

هلي الدمع يا عين.. و إبجي اعله شبل حسين

من كربله للشام.. شاف اشكثر آلام

هذا يالشيعي إمامك ريتك ابهالحاله شفته

بالحديد امقيدينه ينزف الدم من رقبته

من حده ظعن السبايه عينه مشبوحه اعله عمته

اينادي من يقدر يحمله هذا المصاب الحملته

راس الإبو المقطوع.. فوق الرمح مرفوع

تبجي حرم و أيتام.. شاف اشكثر آلام

آل أميه و آل مروان بألم عاصر حكمها

سلطه من سلطه ابحقد سارت على منهج ظلمها

زين العباد اشجنه و أهل الغدر دست له سمها

سمته و جده محمد بالحشر هو خصمها

لو يسأل المختار.. ابحال العليل اشصار

من زمرة الإجرام.. شاف اشكثر آلام