و اعيونك تنظر دنيانه

جور و باطل ضيم و حسره ... قلبك يا يوم ايطكَ صبره

يبن الحسن طال الوعد ... و امن الصبر ملينه

و ابجاهك الواحد أحد ... يالمهدي تنهض لينه

ما أظن يحصيها العدد ... سيدي اجروح البينه

يا الغايب و ما ظل بعد ... غيرك يحن اعلينه

بتارك يا يوم اتجرده ... و الباطل من أصله اتحصده

يا الموعود انهض مولانه

يمته الليل ايطر ابفجره ... قلبك يا يوم ايطكَ صبره

متحير ابجفي القلم ... كثره العتب يا المهدي

من يا كتر عن يا ألم ... لو ردت أحجي و أبدي

جم مره دين الله انلثم ... جم قلب جرحه اليدي

ابجفك مته ايرف العلم ... و ظعن الفرج بيه تحدي

دنيتنه الجور امغطيها ... جا يمته ابعدلك تمليها

و الدين اتشيد بنيانه

يا التنظر حالتنه الخطره ... قلبك يا يوم ايطكَ صبره

تدري يمن بيك الأمل ... جدك رسول الرحمان

بعده عله افراش الأجل ... و انقلبت أهل العصيان

رجعت على عهد الجهل ... عقدت سقيفة بهتان

و هو الوصي و ليش انعزل ... من حكمه داحي البيبان

للأمه الوالي ايعرفونه ... و حق حيدر ليش ايغصبونه

الكرار المعروف ابشانه ... و عباد الأوثان اتنكره

دار البتول الطاهره ... بضعة الهادي المختار

و هالدار جانت عامره ... للبشر تزهي الأنوار

و أهل السقيفه الغادره ... يوم اللي هجمت عل الدار

ابعتبة الدار اموجره ... الأهل الحقد شبت نار

هالدار الهادي ايحييها ... و جبرائيل الخادم بيها

هالظلت وحشه و حزنانه ... متحيره و مظلومه الزهره

يا المهدي أظن عندك خبر ... بالصاير يبن الأطياب

و يا ضلع يا المهدي انكسر ... و يا دمع عالخد سجاب

ريتك جنت يا المنتظر ... من دفعوا اعليها الباب

و اعله أمك اتصد بالنظر ... يالمهدي جا قلبك ذاب

خلف الباب أمك من لاذت ... دفعوها و بحشاها انصابت

للمحن صدت لهفانه ... لنها اموسده فوق الغبره

حاضر لون بين الحسن ... بالطف جنت يم احسين

و اتشاهده اشلون امتحن ... جدك ابين الصوبين

و اعله النهر حامي الظعن ... لا رايته و لا جفين

و سهم المثلث بالضعن ... جبده و تقطع نصين

يا الغايب و الظهره اتعده ... و اينازع بالحومه وحده

من طاح احسين ابميدانه ... خله اعداكم ريض صدره