مهدينه ننخاك بدموع الحزن طال الوعد ناداك صوت الحزن

يالغايب إجرعنه الهضم و الغصص من غيبتك دمع البيابي رخص

يالمنحجب صبرك عجب ما خلص و الشيعه من صبرك يغايب تون

ظلينه نحسب وسفه تاه العدد معرفنه يا يوم الفرج للأبد

بس العرف تاريخه رب الأحد و ظل الأمل بقلوبنه منشحن

جم نايبه منها يون القلب خلت مدامعنه يغايب تصب

سهم اللي أصعب جرح سهم الغرب صوبنه رامينه و طحنه طحن

بهالحاله إنت الأدره راعي العصر سهم الغرب جرحه فلا ينجبر

طاغي الزمن تدري كسرنه كسر و الكسر صب ادموعنه اعله الوجن

و الدمع ما يطفي لهيب الجبد أمتنه مردوها الأعادي مرد

دفنوا قضيتنه كدفن الوأد و الجرح ما يلتسلم لا لا تظن

و إنت يمهدينه إمام الحنون يا يوم بظهورك تقر العيون

و اتنجي هاي الشيعه من الخؤون طاغي العصر جرعنه ذل ووهن

يالغايب و تدري اشجره وشحصل بالإنتفاضه اشجم مجاهد جتل

من شيعة الكرار حامي الدخل و هدم ضريح المرتضه بالعلن

بالغاضريه اشحصل يلمنحجب بالنار حرقوا دورها تلتهب

و شبانها متوسده اعله الترب و اضريح لحسين انقصف ما تحن

و جم مجزره برض الوطن قائمه ذبحوا شعبنه الزمرة الغاشمه

جي شيعه و انحب علي حامي الحمه مهدينه ننخاك ابدموع الجفن