باقر أهل البيت الله إيعينه .... جم مصيبه اللي نظرها إبعينه

* * * * *

شاف جده حسين مرمي اعله الثره .... جثته ابضرب المواضي اموذره

جم شباب اعله الأرض دمه جره .... و العده بسيوفها امقطعينه

* * * * *

ابعينه شاف القمر يم المشرعه .... نايم ويمه الجفوف امقطعه

و ابو اليمه اعليه محني ايودعه .... و يحب عينه و هامته و جفينه

* * * * *

بيا وضع شاف الطفل و بيا ألم .... بين ايدين احسين مصيوب ابسهم

و طلعت أمه شايطه من الخيم .... اتصيح ها يحسين طفلي وينه

* * * * *

أخته من ايد ابو اليمه و شالته .... و لن سهم نابت يويلي ابرقبته

حبته ابنحره يويلي و شمته .... و يمها زينب تنتحب و سكينه

* * * * *

شاف خيل الهجمت و نار التشب .... بالخيم عالحرم كلها و تلتهب

و الخيم أطفال بيها و تتضرب .... اتصيح وين اللي يجي اينجينه

* * * * *