بالإصلاب و حبه إبروحي و يحفر ويه إحشاي إلحود

فجرني و إذبح أطفالي و شرايد من عندي إردود

حبي و يا حد قص المنحر و العاشق ما عنده إحدود

هذا وعدي...لليضدني...كلَ ديني ...من حسينِ

يحسين و حبك جنني مو جلمه و يلفظها إلسان

صيحة مبدأ بإسمك ناده قلبي من أعماق الوجدان

آمنه إبشخصك عالفطره هيهات إنصافح أوثان

لو ما إبدم نحرك يجري ما ورد غصن الإيمان

ثورة دمه ...فكرة صبره...كلَ ديني ...من حسينِ

تهمل ما تنشف دمعتنه كلما يوم إمصابك عاد

وياك إنجدد هالبيعه حبك بينه إيظل الزاد

و إنظل إبدربك و إنعاهد الحبل الظالم ما ننقاد

ما بين إيسارك و إيمينك ندفن بالطف هالأجساد

في حياتي...و مماتي...كلَ ديني ...من حسينِ

من دمك شيدت إصروحك يحسين و نهجك نقتبسه

يا إبنَ خيرَ الناسِ طرا نور القرآن إنت و شمسه

ظلت للأجيال إجروحك و التاريخ إيعاود نفسه

هيهات الظالم يردعنه هيهات نتبعه و نلتمسه

كعبه أشوفه...من أطوفه...كلَ ديني ...من حسينِ

وياك إنجدد بيعتنه نقسم يحسين إبمرضعنه

صحنه إنحبك يبن الزهره خل كل العالم يسمعنه

عدنه إقلوب الما تتزعزع هيهات اليقدر يمنعنه

من شريان الشيعه الينزف بالدم النصرك وقعنه

في يقينِ...أنت دينِ...كلَ ديني ...من حسينِ