فوق الهضم يحسين زيدت همي و من قبل دمك ريت ينسفك دمي

بالغربه خمسه أشباح هجمت عليه عدواني و الأيام و الغاضريه

و رابع شبح سطوات خيل آل اميه و الخامس ابفرقاك دلالي مدمي

جان الشمل مجموع بوجود أهلنه و غبروحتك يحسين رايح شملنه

يفرحة الوليان ما دامت إلنه و عافوني و الدمعات عافوها يمي

الخله القلب مجمور و اندهش حالي رد المهر يحسين و السرج خالي

ما يدري بس إعيال ما عدنه والي و يصهل يحشم جان و المدمع يهمي

ويه المهر يحسين أنحب إجيتك شاهدتك ابيا حال من إعتنيتك

متوسد اعله القاع بالطف لقيتك راسك على العسال و الجسم مرمي

و لمن شفت يحسين جسمك توذر إبصرخة فزع ناديت و المهجه تسعر

من قبل خدك ريت خدي تعفر و من قبل جسمك ريت وذروا جسمي