آخر الأخبار

ديوان السادة

يغايب نعتب بآهات و بحسره

14 سطرًا

يغايب نعتب بآهات و بحسره و لا قلبك نفذ يبن الحسن صبره

ننخاك يا سيدي بحماك يا سيدي

يغايبنه ننشدك و الدموع اجبود كل غايب نقول و من غيابه يعود

و انت ابيا وكت تلفينه يالموعود و المثلك لزوم ايعجل بأمره

بيد الباري أمرك ندري تقديره لجن حقه العتاب الطايح ابحيره

عمر قضينه ننتظرك يبو الغيره تقوم إتطالب ابثار أمك الزهره

إقصد للبقيع و أمك إنشدها إصواب العين كسر الضلع ضاهدها

و شوف أم الحسن يا مطلب العدها بعد كسر الضلع يا كسر التجبره

قلب أمك يغايب تدري كله اجروح نريدك تقصد اوياها تون و اتنوح

أظن أكثر مناحتها عله المذبوح تون إعله السليب الهشموا صدره

يا هو المن هلك يالمهدي يا مظلوم قضه و بين الذبح يا وسفه و المسموم

ما بين المصايب شيعتك لليوم تنظرك ابدمعها اليهل و العبره

بعد كافي الصبر يا من إلك ثارات جرب صارمك قوم إنشر الرايات

دنيتنه فتن يالغايب و غايات حالتنه يبن عقد الوله خطره

شارك هذا المحتوى
8٬329مشاهدة