وينك يا مهدينه وينك يا مهدينه

وينك يبو الثارات إنظر دمعنه يبن الحسن كل يوم يصعب وضعنه

ندري العدل و يغيب لازم يجينه يالغايب و بجفاك نصفق بيدينه

يوم الفرج مولاي طول علينه كلها أصبحت عدوان و الكل يضدنه

نتأملك كل يوم بدموع الأشواق كل الجروح إتطيب بس جرح لفراق

و السيفك البتار يالمهدي نشتاق من الظلم و الجور صاحت أرضنه

أم الحسن برجاك و إنظر دمعها يالمهدي و المسمار لسه ابضلعها

لازم يقطعه السيف جف الصفعها نذكر مصاب الباب يجزع صبرنه

يالمهدي ظل ينعاد يوم السقيفه و القطع راس حسين أصبح خليفه

محد يريد اليوم إيد النظيفه ظل شاهد المحراب و اليجري دمنه

خل يشهد المحراب جم طبره بينه و إحنه اعله هذا الحال نندب ولينه

و اللي يظن ناسين لا ما نسينه ما ننسه و العباس لآخر عمرنه

تتوارث الأجيال هاي المصايب و بها العصر مولاي شفنه العجايب

و بكل مصاب إنصيح إحضر يغايب و الفتوة التكفير نعلن رفضنه

و بكل علامه إنقول هاي العلامه بلكت تشوف العيد هاي اليتامه

طول علينه الليل و إشتد ظلامه و بطلعتك معلوم يضحك صبحنه