عباس گربت ساعة الترجاهه هذي اليتامه تلوج ياضنواهه

هالرايه من حيدر إلك معكوده عباس ياعزم الحسين وزوده

كربت يخويه ساعة الموعوده جيوش العده إعله العلكمي محشوده

والعطش هد أيتامك وبجاهه

إتبسم أبو فاضل وزم الرايه وكال إله رد خيل الإجت عنايه

لو عالنهر كل العده حمايه نار أشعل الدنيه وأجيبن مايه

ردي وحسبي الماي خويه جاهه

وتبسمت بنت الوديعه البضعه من شافت الرايه بيمينه مشرعه

صد للفرات بخزره غير وضعه ومابين ذاك الجيش صارت فزعه

تتراجف كلوب العده خلاهه

كلها يزينب سري كلب العيله وسمعي يخويه النهر ماأمشيله

عليج وعليه تصير هذي طويله نهر الفرات بخنصري من اوميله

لهفان يتعنه ويرد ظماهه

وهلهلت بنت الوصي من تجنه ليث وإبن ليث ورثهه منه

من حيدر وسوح الحرايب فنه مارد أبد بحجايته ولاثنه

تدري بخوهه الكمر عد عيناهه

وزنيب لخوهه تعاين ومهضومه سل صارم الموت وتعنه الحومه

عليه شبحت النظره وأمل مرسومه عيون الصبر ولهه وتريد علومه

وفوك الشريعه تشوف يزهي لواهه

تعنه أبو فاضل وهد العسكر ذكرهم بصولة أبوه بخيبر

شردت جيوش الكفر كلها من كر رمحه غضب وبسيفه موت الأحمر

نهرين خله المشرعه ودماهه

روه الجفيل الجود بيده وجابه جيش العده ودرب الخطر ماهابه

وسهم القدر بعين الكمر من صابه عين إنطفت عين بدمع سجابه

من زينب ونار الهضم بحشاهه

ماهمه سهم العين أخوهه تقدم حزو يمينه ويسرته ومامهتم

كل همه جود الماي هو اليسلم صاب السهم جوده وتفايض بالدم

هام الجفيل وبالدمه رواهه