بالدنيه أغرب ما شفت هاي الغريبه لا تبجي هاي امن البدع دمع المصيبه

من آدم الهذا الوكت شفنه و سمعنه و الفقد أحبابه أبد ما يخفي حزنه

نبجي على قد ما نحب معروفه عدنه و عدنه الفقد عمره إبسبب حزنه الحبيبه

يبقه الفرق إلمن تحب و إتضحي إلمن نعمة ثوابك بالحزن تلقاها عد من

و إتواسي يا أم بالدمع جده و إبو من لو جانت الأم فاطمه ليش العجيبه

تمنعني من ضرب الصدر من تالي إنته جم طاغي قبلك ما قدر راح و لعنته

أعرف حليبك و الأصل خليها سكته و الما ينوح الفاطمه إلعن حليبه

جان الطريق الكربله عبوه اعله عبوه أقسمنه لبن المرتضه كل إحنه فدوه

جاي من تالي الوكت تنطيني فتوه ما تقدر إتلوح القمر بالك تعيبه

ذوله إحنه من أول زمن نضرب صدرنه ما يكفي مرات اللطم صحنه و طبرنه

حته الطفل بأول مهد يعرف عشقنه يبدي الحزن من المهد لآخر مشيبه

إترك كلام الناصبه لا تفتح الباب حاسبنه قبلك جم قلم و إيجيك الحساب

نتأمل المهدي يجي لو طال الغياب ابن النبي الهاي الفتن إمن إنين أجيبه

لا تحجي يالقلبك حجر محد يسمعك قابل أنا ابهذا الوضع و إنت اعله وضعك

لو تدري خصمك فاطمه محد ينفعك ترجع تواسيني إبجرح قلبي و لهيبه