خدّام احسين اتسمّينه خدّام احسين اتسمّينه
خدّام او نبذلّه المهجه والروح انذوّبها ابنهجه
خير ابهاي الخدمه او بهجه وينه الرايد يخدم وينه
وينك ياللّي تحمل همّه ضحّه احسين ابروحه او دمّه
جينه انوفّيله ابهالخدمه واليخدمله ايوفّي ابدينه
وينك ياللّي گاصد تخدم ابني الخير او بالك تهدم
خلّي الخير اعله الناس ايعم مثل الضحّالك بسنينه
اءخدم باخلاص اءبلا مِنّه اُجرة هاي الخدمه الجنّه
واللّي رايدها او يتمنّه من يسعه الها الباري ايعينه
الله ايعينه الرايد يسعه او حاشه ايخيّب هذا المسعه
او بالميعاد اتحضر البضعه واتقُر يوم المحشر عينه
عينه اتقُر ابنت الهادي من يسمعها ابلهفه اتنادي
وين اللّي خدموا أولادي نتنطّر جيّتهم لينه
تتنطّر ملگاك الزهره فرحانه ابجيتك مبتشره
واتقدّملك صكّ الاُجره او هذا الصكّ اللّي اينجّينه
بيدك تاخذ صكّ الاُجره او شوف اشكتبت بيه الزهره
مسموح ايمرّ اعله العِبره خادمنه واحنه امزكّينه
خدّام احسين اتعاهدنه نبذلّه الروح او ما عدنه
او بالمحشر ويّا موعدنه من نهر الكوثر يسگينهخدّام احسين اتسمّينه
قصائد قريبة من الجو نفسه
ديوان السادة
19
سطرًا
