آخر الأخبار

ديوان السادة

عرسك يا جاسم صار عرس المنايه

16 سطرًا

عرسك يا جاسم صار عرس المنايه ... ابذال الفرح أحزان يا بني و رزايه

عرسك يبني ابدال الشمع... نار و دمع... يبني

يا بني ارضعت سنتين تشرب حناني ... و آنه اعقدت آمال يا بني و أماني

تكبر و أشوفك شاب حلو المعاني ... و لجل العرس أيام أنطر و أتاني

بعيوني ساكن طيف يا يمه وردي ... حنه و عرس و اشموع و الفرحه تبدي

طيف انعكس هاليوم تفسيره ضدي ... قلي على الأفراح يا رمله ردي

طيف العمر هاليوم وسفه تلاشه ... مثلك حصل عريس يوليدي حاشه

ارماح و نبل و أشفار دني وشباشه ... و اموسد الميدان و الثره افراشه

ثوب العرس أجفان و الفرحه ونه ... و دمك يا بعد الروح يوليدي حنه

روح اعتني الفردوس روح و تهنه ... و دمك لبوك اهناك خذ صوغه منه

أخشه يا روحي اعليك من تمر نسمه ... مر اعله نحرك سيف و الجره دمه

ماتت من الآهات بشفافي بسمه ... جرح الجبد ملجوم و اشلون أرهمه

يوليدي يا جسام حاربني دهري ... و امقالب ويه البين يوليدي عمري

و أتسامر ويه النوح سلوتي ابسهري ... و أتناحر ويه الضيم و يحز لي نحري

ضيم الدهر بالعين صد لي و نظرني ... اتعنا لي بالنكبات و بأيده جرني

ينحرني صار الضيم مثلك نحرني ... بس الصبر وياي هو الحضرني

شارك هذا المحتوى
8٬944مشاهدة