هالليله اوداع يا روحي هالليله اوداع

نوحي يا روحي لمن اتموتين محد يلومج لمن اتنوحين

ضاعت آمالج بعد شتانين و اخوتج عنج للحرب ماشين

صبحي اعله الضيم يا روحي هالليله اوداع يا روحي

اوادع هالليله ويه خويا احسين ما هجع قلبي و لا غفت لي عين

أحسب الباجر و المصاب البين حايره بأمري و أصفق الجفين

روحي اويه احسين يا روحي هالليله اوداع يا روحي

زينب الليله اشلون حالتها حرمه و تودع ستر عزتها

و لا هي غيبه اتقول تقضي مدتها تنتظر بلجن ترجع إخوتها

أشباح الموت يا روحي هالليله اوداع يا روحي

صوت أخوها احسين يندب اتسمعه ايريد من عدها تطلع اتودعه

طلعت الحره لجن اشطلعه بالهضم تعثر و حسره و الدمعه

هاي أختك هاي يا روحي هالليله اوداع يا روحي

ايقلها يا زينب و هالدمع عينه يا ختي هاي القوم حاطت اعلينه

و بعد اخوج احسين ما تشوفينه أمنت عندج سلوتي اسكينه

صبرج عالضيم يا روحي هالليله اوداع يا روحي

لفت يم عباس تلطم و تنحب يا جفيلي اختك يا ذخر زينب

لو عفتني ايروح خدري لمترتب من يطفي النار بالخيم تلهب

أبقه أويه اعداك يا روحي هالليله اوداع يا روحي