ابدمعتك يالتحب احسين واسيني أنه زينب خلص ماي الذي ابعيني

وياك آخر ليله بحماك آخر ليله

آنه الودعت جملة أهلها ابيوم و آنه الفرهدوا عزة خدرها القوم

مظلومه و أخوي الظامي المظلوم شفت بعيوني من حرقوا صواويني

واسيني جفيلي غمضت عينه طاحت رايته و يسراه و ايمينه

أسف حال الحتف مابيني و بينه لجفوفه فده يسراي و ايميني

واسيني رحل عني علي الأكبر و كل صفوة عقيل و كوكبة جعفر

و شفت شبل الحسن فوق الثره امعفر و أحس صوت اليتم بإسمي يسميني

و شفت أم الرضيع اعله الرضيع اتنوح و اتلولي على جثة طفل مذبوح

مذهوله الحرم و اتصيح وين اتروح و أحس دمع الهضم لو هل يجويني

حنه احسين الوادع العايله ضلعه و بيا روح مهجة فاطمه انودعه

غدت عيني تحاجي اعيونه بالدمعه و بالونه شبل حيدر يحاجيني

هدم حيلي وحيد و معتني الموته ابكل خطوه قلب تتقطع ابتوته

يا وسفه انقطع والي الحرم صوته قلت راح و صفقت ابحسره جفيني

عميه او لا نظرت ابعيني هالنظره إخوي احسين طايح جسمه عالغبره

تعناه الشمر ثنه على صدره و أخذ بيمينه شيبه مهجة الزهره

قلب جسمه و يريد ايذبحه من ظهره يا شيعه الله أكبر و انقطع نحره

و أشوف اعله الرمح راسه يناديني