عدل ميت ينبض بالوفه العباس

سمع صوت الحسين ايريد عون الناس

على طوله وقف جثه بلايا راس

(يا غيره التوصل هالغيره)

سبعين ألف وي سبعين يهل العقل ما تنقاس

و خل انشوف يا سبعين قامت تطق راس ابراس

لو تنجمع إنس و جان ما يرجف قلب عباس

(لو بيهم زود ايلاقونه)

تعجز أصحاب الأقلام و تتعب أصحاب الشعر

ما أظن تقدر توصفه و تعجز اتوصف الظفر

الحومه ابو فاضل شبرها و لنها بحسابه شبر

(قام ابجفه ايقلب بيها)

ما لابس درع عباس و جان الزود ملبوسه

رمت و اسهامها ما جانت اتمض بيه و ما جاسته الجايوسه

صابوا جربته و ظنوا تبده الماي

ما يدرون بالجربه لعد هاليوم غيره و شرف متروسه

(للمحشر بالعز تروينه)

إجت أم البنين اتقمط العباس و قال إلها فنج تقمطينه

اشلون الكون يم عباس بجفوفج تلزمينه

و شتقمطين من عنده المغرب يسرته و المشرق ايمينه

(و اشلون الكون اتقمطينه)

للوفه العباس كعبه نسعي و اعليها نطوف

من حمل ضجت الدنيه ابيوم عاشر بالطفوف

جفلت الخيل ابوجلها و سجدت السيفه السيوف

(ملج الموت و طب اعليها)