من طف كربله ... وي العايله ... لليوم الألم

هالعايلة عباس عائلة احسين ... هالعايلة المتعودة اعليك اسنين

هالعايلة الربّاها فارس صفين ... حاميتها ابكفك او ترعاها العين

اكفوف اتقطعت ... و العين انطفت ... لليوم الألم

هالعايلة من المدينة وياك ... طلعت او انته اتكفّلتها بحماك

سهم الذي ابعينك يعباس ارماك ... سبب ألمها او جسّر اعليها اعداك

ابها الرمية الخدر ... ابوليانه انهدم

او لن عين الشمر ... تنظر للخدر ... لليوم الألم

عباس ما تنسه مهابة زينب ... حتى القرابة من خدرها اتهيب

اشلون الزمان اندار لن تتسلب ... و بنار خيمتها عليها تلهب

آه من الزمن ... الله اشحكم

حره امحجبه ... لنها امسلبه ... لليوم الألم

تتذكر اختك ما أظن تنساها ... ابيا بيت جانت يا ابو الرباها

يا اخوه عاشت يعباس وياها ... اختك الرفعت راسها بدنياها

راسك يا الاخو ... من يوم انهشم

راس اختك نزل ... و المدمع همل ... لليوم الألم

و اشلون ما يتشمتون الأنذال ... ايشوفون زينب يعباس ابها الحال

متيسرة متحيرة بالأطفال ... و راس الاخو اتنظره اعلى رمح الجَتال

و تباري غدت ... أطفال او حرم

اشلون امخدره ... اتروح ميسره ... لليوم الألم

قبل أربعينك يعباس اتصور ... رايتك منشورة اعلى خدر الخّدر

اليوم السياط اعليها لن تتكسر ... عقب الخدر لن عالهزل تتيسر

كم متن ابمتن ... بسياط انرسم

اسياط البا لمتن ... و دموع او حزن ... لليوم الألم

زينب التنشدنه غدت عن قبرك ... و اتريد توصلك و لو متنظرك

عن يا مصيبه يعباس اتخبرك ... من يوم غاب اعلى الشريعة بدرك

الهاي العايلة ... ما ظلت خيم

كلها اتلاهبت ... اعيال اتسلبت ... لليوم الألم

يوم الرحت عنّه اخوك اتولوه ... حتى رضيعه يبن حيدر قتلوه

عقب الرضيع احسين ظامي ذبحوه ... عقب الذبح صدره يخويه هشموه

حتى البا لمهد ... منهم ما سلم

جم طفله او طفل ... كَتلوا بالنبل ... لليوم الألم