الله يا حسين اللقه احزام الظهر شافه كله اجروح كل جسمه وذر

شاف وجه اللي يشبهونه قمر غايب ابدم هامته الهشموها

صاح حاجيني يا خويه ابجلمتك اكسرت ظهري يبن أبويَ بطيحتك

صاح يا عباس هشموا هامتك قلعتي ابهذا العمد هشموها

يا من العيني جنت انت ضوه ابطيحتك سباح البقلبي التوه

يا أخو العندي يرفع لوه اجفوفك اللي رفعته قطعوها

قعد يمه و مسح دمه اللي يسيل و صاح يا عباس ما ظل عندي حيل

يا قمر دنياي صار اعليَ ليل يا اعيوني امن شوف القمر حرموها

خاطب المظلوم و اهوَ اعله هالحال اعتذر لي امن الودايع و لطفال

واعدتها ابماي حيف القدر حال بيني و ما بينها و فجعوها

العايله اللي صارت ابهذا الألم تنتظر لثنين ظلت بالخيم

أبو الجود الواعد أطفال و حرم و تدري بالإخوه الذي يوفوها

و تنتظر ظلت احسين الراح ليه ايجيب اخوه اوياه متلهف اعليه

إجه احسين و لزم ظهره بديه صيحته ظهري انكسر كسروها