يبن أمي الصوب النهر وديني يحسين خليني أشوف ابيا كتر طاحن الجفين

وياك إخذني الهيبتي و صاحب النوماس خليني أنوح اعله القمر و ألطم عله الراس

ألطم و أصيح ابلوعتي اقعد يعباس يا من جبتني امن الوطن يا قرة العين

وياك إجيت امن الوطن محشومه بحماك و يم راسي جانت رايتك تخفق بيمناك

جا بعد ويا من أرد و ابولية إعداك جيت أرد أنشدك عالعهد وين العهد وين

يحسين طاحت هيتبتي ابطيحت جفيلي و انقطعت ابتوت القلب و انهدم حيلي

مهضومه اظل ابيا وضع من يهل ليلي و اشلون أهيد و بالقلب لا جرح جرحين

عني مشيت و حسبت تسالم تجيني ظني انقطع ما ظن بعد أقطع ونيني

و فوق الوجن أترك أثر يا دمع عيني ريت القلب طير و يفر يصفق الجنحين

خل يعتني للمشرعه و ابحسرته ايحوم و ايصيح يا راعي الفخر مو شانك النوم

زينب تحشمك يالولي و اتريدك اتقوم يا ألف وسفه و عوقعك عن زينب البين

عباس يا راعي الوفه انهض يرجواي من بعد عينك لا تظن أتهته بالماي

خيل و زلم لخيمنه جت يالساعتك هاي يا العفت اخوك امحير ابولية الصوبين