زينب يا علي تسمع بواجيها يمك يا أبوها قوم حاجيها

يمك زينب ابيا حاله يا بو حسين رادت تغسل الشيبه ابدموع العين

و بجرحك تشوفه ايلوح سهم البين من هالليله بيّن حزنك اعليها

يا حيدر إجت اتكلمك زينب تقلك يا علي يالجندلت مرحب

جم حرب الخضتها يا علي أصعب من جرحك يالمزلزل رواسيها

إنت الجندلت أبطال يا حيدر من ساحة بدر و الخندق و خيبر

ما شفناك وجهك شاحب و مصفر مثل اليوم يمهذب نواصيها

يمك يا علي بس نسمع الونه شو وضعك يحيدر ما يطمنه

نتأمل شفه لو نقطع الظنه بيها الدنيا نكبه يا علي بيها

من هو المنبرك يا حيدر ايصعده منهو السيفك ابساح الحرب حده

منهو للتهجد منهو للسجده و الأيتام منهو اللي يحاميها

منهو للفضائل منهو للتقوه منهو للحرايب منهو للنخوه

منهو للعلم و الفكره و الفتوه منهو للشدايد هو راعيها

نودعك يا علي هالليله بالحسره نودعك بالدمع يالآية الكبره

تتنظرك يحيدر فاطمه الزهره إخذ إجروحك إوياك و تواسيها

قل إلها إجيتك هذي آلالامي عشت أيامي بالهم مرت أيامي

صدرج دامي و آنه راسي هم دامي ناديها إبحنينك روح ناديها

قل إلها عفت زينب تون و إتنوح قل إلها عفت يمها تحوم الروح

و بقلب العقيله إجروح فوق إجروح زينب راح شتواجه مآسيها