إخذر يا جرح لتألم الكرار إقطع يا نزيف و صبر الأقدار

ساعات الوداع اشما تطول إقصار و تدري بالوداع إشلون تاليه

حيدر يختم إبدم هامته الأيام و عين الموت يمه ساهره و متنام

بدموع المصيبه إتودعه الأيتام و حيدر لو مشه ما بيه بعد جيه

حيدر داوى جرح الوادم ابتعبه مجروح و ميلقى واحد إيطيبه

حتى عل الذي إغتاله يحن قلبه و مثل جرحه نزف من قلبه حنيه

بفراش الألم يتقلب المجروح و دمه و صفرت الموت إبجبينه إتلوح

كل هاي اليتامه بعده وين إتروح و من ينشد على الأيتام ليليه

عليهم عينه بس دمع و سهر تحمل إتدور عل اليتامه منزل المنزل

لأن الدم عليها امن الجرح ينزل و عين الموت هي الظلت إربيه

ليل و بالوداع اعيونه نظرتها عين الزينب و عين اعله إخوتها

يدري بالطفوف اشلون حيرتها من بحسين تستفرد أعاديه

ساعات الألم جرحه علي صبره و يذكر فاطمه لو ضمدوا الطبره

ضلعها ما تضمد فاطمه الزهره و للموت إبصدرها إجروح امخفيه

اشلون بزينب من إخوتها تتخضي و من عدها خدرها هناك يتسلب

و اشلون ابخيمها إعليها من تلهب و إخوتها جثث منحوره مرميه