إبحبك ربينه ...و إنت ولينه

شيعتك بايعناك ...نحيا و نموت إوياك

إبحبك ربينه... و إنت ولينه

يا علي يا علي... و إنت ولينه

هذا الحب على الفطره ويانه إنولد بالذات

و أصبح يسري وي دمنه و يموت البدن لو مات

بعد ما ينفصل عنه و عنك ينفصل هيهات

و رب الرحمه بكتابه عن فضلك ذكر آيات

حامي الجار عنوانك و راعي الشده و الكلفات

و الهم ينجلي بإسمك و تقضي ابجاهك الحاجات

بالحشر يا كرار...من صوبك المعبار

إبدربك مشينه ...و إنت ولينه

ابن ملجم رجع نفسه و خلف ألف ابن ملجم

مو بس راسك المطلوب تريد إبدينا تهدم

قتلنا إيحلله إبكيفه المفتي اليدعي مسلم

و يوميه يداحي الباب ضحايا إبدربك إنقدم

إبضلع الطاهره الزهره و جرحك يا علي نقسم

إحنه شيعتك نبقه و لا هيهات نستسلم

لمصابك ابكل عام ...ننصب حزن و آلالام

و يكثر بجبينه ...و إنته ولينه

و نذكر ليلة إمصابك و يصير الجرح جرحين

صوره امن الحزن و النوح تتجسد إقبال العين

ساعة من إجو يمك زينب و الحسن و حسين

وي لوعة بواجيهم ضجت يا علي الصوبين

و لمن يا علي سمعوك عن عباس تنشد وين

جان إيصبر الأيتام العتد الباب مجتمعين

كل اليتامه اليوم ...مثل الطيور إتحوم

تبجي و حزينه ...و إنت ولينه

على الأيتام أصعب يوم يوم البيه نعه ناعيك

و ريت الموت وافانا قبل ما يعتني إيوافيك

و بغيابك يوالينه شينشف دمعنا إعليك

و ريت اوياك وارانا قبر الرايد إيواريك

نحبك جي خصال الطيب يا حيدر إتجمعت بيك

و ليل إنهار يم قبرك نقصد يا علي إنناديك

لو تدري بينه إشصار...بعدك يحامي الجار

إبحيره بقينه ...و إنت ولينه