يا مولى علي يا مولى علي

إنته سر الله العظيم يا صراط المستقيم

إنته عصات الكليم بعد إعجاز الخليل

إنته حد المعرفه إنته قاموس الوفه

النبي بيك اكتفه و المبيتك أكبر دليل

إنته قاموس الفلك تاج راس الكل ملك

صيتك إنته بس إلك لا شبيه و لا بديل

إنته زهد الأتقياء هدف درب الأنبياء

إنته خير الأوصياء معرفة رب الجليل

الله خص اولايتك نصر دينه برايتك

الكون لو ما قبتك من يلزمه لو يميل

إنته حماي الحمه سيفك اقرابه الدمه

اشلون صاحت فاطمه يا علي حامي الدخيل

و ارسمت درب الحسين بين فرض الركعتين

شفت دم الودجين دم على شيبك يسيل

منك اليوث الشره بطل سبع القنطره

يوم صال ابعسكره القاع هم رادت تشيل

إنته دربت الحسن سلمت بيه الرسن

قضه ابجوده اعله الزمن غطه جيل بعد جيل

يا وجود بلا عدم الوحي بسمك و انكتم

قاف و النون و قلم نزل بيهن جبرئيل