آنه عاشق أنا الما ينوصف شوگه أنا العايش حياتي إبروح محروگه

فرحنه و الفرح لحظات من الحزن مبيوگه الليلة ابها العمر يصفه العشق شوگه

و تدري يا حبيبي امن الزغر أنه أهواك و شرايني اعله حبك تدري مشبوگه

عشق عذري من أبويه اتوريثته اوياك و أمي من لبنها روت إعروگه

و كبر بستان حبنه البلوفه مزروع و تزهي بالمودة الطاهره إعثوگه

تربع على القلب يا كامل الأوصاف عسل يا الما كو غير إمدلل إيطوگه

من مثلي عشق محبوب مثلك وين شيعي و حيدر الكرار معشوگه