حيدر و الأمم إنته ملكها ليك و تخضع الجن و ملكها

نحلت بضعتي الجانت ملكها ايغصبوها الفدك اهل الرزيه

ليها الهديه يا حامي الحميه

حير للبشر يالولي وصفاك ذر و ذهب حامي الجار وصفاك

رب العرش من عيّنك وصفاك رادك درع ليها امن البريه

اليوم المنيه يا حامي الحميه

دمعي للزجيه الليله ينسال لاجن خوفي گلبك ليها ينسال

بالك سيفك البتار ينسال لو نادت يحيدر گوم إليه

راعي الوصيه يا حامي الحميه

امصيبة بضعتي تصعب حملها خلف الباب من تطرح حملها

لا واحد يظل غيرك حملها و إنته ابصبرك اتشوف الرزيه

فوق الأذيه يا حامي الحميه

منها الروح يا حيدر تعالي تهبط لاجن الونه تعالي

ليَّ إتصيح يا فضه تعالي حملي طاح فضه اشلون بيه

راح امن اديه يا حامي الحميه

رب الكون و ابحكمه وداره للزهره للفلك كونه وداره

يحرگ دارها الظالم وداره ليها يقود لك وسط الرعيه

تصعب عليه يا حامي الحميه

و الزهره تنادي أولادي ونهم جاني الموت ظل بحشايَ ونهم

ايتامه الحسن و حسين ونهم ملهم عله افراگي قابليه

لا عل الأذيه يا حامي الحميه

تگلك يا علي من ذاك مرضاي جوني إثنينهم يردون مرضاي

نفرض عله اضلوعي اتصير مرضاي عله حملي الوگع گلي اشبديه

شيرجعه عليه يا حامي الحميه

الهادي اوصيته ابدمعه سطرها امصايب بضعته كلها سطرها

بالله اشلون لو الظالم سطرها أناشدكم يهالي الغاضريه

ابونه خفيه يا حامي الحميه

أون و أنتحب روحي لحدها عله اللي اتجاوز إعداها لحدها

و أناشد وين للزهره لحدها من كل فاطمي و كل فاطميه

بهاي المسيه يا حامي الحميه