يا شيعه وحدتنه...تحفظ كرامتنه

نكسب رضا الزهراء

على نيت هدفنا الخالق الشاهد

هدفنه ننتصر على الناصبي الحاقد

نلم شمل الإخوه و ليش متباعد

بإسم حبنه الولاية حيدر اناشد

عدونه ابكل صفوفه اعلينه متعاضد

و احنه اشبينه واحد ياكل ابواحد

نتسمه يا أحرار...شيعة علي الكرار

الحيدر ولايتنه...تحفظ كرامتنه

نكسب رضا الزهراء

إذا إحنه ابعلي و أبناءه متمسكين

بعد شنهي السبب يا شيعه مختلفين

عدونه ابلا خجل يحسبنه منحرفين

و مذهبنه يمثل كل أصول الدين

صدقوني اذا ضلينه متفرقين

مرتع من جديد انصير للسجين

و ابحجة الإسلام ...يصدر علينه إعدام

مذهبنه خيمتنه...تحفظ كرامتنه

نكسب رضا الزهراء

إذا بضعة رسول الله تحبوها

عليكم أقسم ابحقها تسروها

راية يا علي كلكم ترفعوها

تدرون الزجيه ليش ظلموها

من داعت ابحق حيدر يسمعوها

و للدار اعتنوا رادوا يسكتوها

نهج الولايه ايريد...نشابج ايد بأيد

صدقوني خوتنه...تحفظ كرامتنه

نكسب رضا الزهراء

إذا دنياك تنظرها بحر أطماع

عقلك يالموالي خل يصير اشراع

و اصبر بالشدايد لا تمل ابساع

و للدنيه و ترفها لو ردت تنصاع

مثل سلعه رخيصه تنشره و تنباع

ليغرك الكرسي الزايل الخداع

و الدنيه للحساس...عبرة جسر يا ناس

بالدنيه عزتنه...تحفظ كرامتنه

نكسب رضا الزهراء

و لا تنسه الرسول ابعترته اموصيك

و للكوثر دربهم بالحشر يهديك

باجر بس ولاية حيدر اتنجيك

و احذر كل إشاعه لا تأثر اعليك

الحاضر تجربه المستقبلك تكفيك

مو كل شي تسمعه تحسب ايوعيك

لا تغرك الأقوال...عندك عبر و أمثال

قلهم إرادتنه...تحفظ كرامتنه

نكسب رضا الزهراء

نخاطب كل موالي عاصر و جرب

حقد اهل السقيفه التبغضب المذهب

لو جانت هدفها النه تتقرب

ليش اعله الظلم و الذنب تتعصب

هيه للعقيده اشقدمت مكسب

بس نار الفتن طول الوكت تلهب

يحكمونه و يذبحون...نحكمهم ايزعلون

و إحنه صلابتنه...تحفظ كرامتنه

نكسب رضا الزهراء