ضجت أملاك السمه... من مصيبة فاطمه

هالله هالله الدهر شيشيل جوره

من ضغوط الدهر أول ضغط عالبضعة الشريفه

فگد ابوها وغصب حگها وعصرة الباب العنيفه

فاطمه وتشوف حيدر ينتچي بزنود سيفه

هذا الصبر هذا الجهاد الفعال...هذا الهضم ما ينحمل لا ينشال

منها التعدي والمراجل چتال...صارت الزهره حنيفه

والدهر صوبها بسهام غدره

والضلعها هشمه... من مصيبة فاطمه

هالله هالله الدهر شيشيل جوره

والدهر جمع جيوشه وهجم عالدار وأهلها

وحرگ باب الوحي بناره وأدهش الزهره وذهلها

الباب للحايط عصرها وفاطمه أصگط حملها

صگط الجنين وكسر ضلع الزهره...والصطره آه شأثرت هالصطره

ونار الشعلها منها ظلت جمره...بكربله بجمره شعلها

فرع نار الحرگت الباب صارت

بالمخيم مظرمه... من مصيبة فاطمة

هالله هالله الدهر شيشيل جوره

فاطمة شافت مصايب قاسية واحترگ دمها

وحرگت نار المصايب والدهر فرصه إغتنمها

بكربلا ولنها على زينب وزادت الحره على أمها

والزهره ماشافت رضيع المذبوح...ولا جاسم بصدر الأكبر مذبوح

وحسين عالغبره وينازع بالروح...ولا سكينه ولا يتمها

والجنين شچم طفل راح عگبه

من السحگ ومن الظمه... ومن مصيبة فاطمه

هالله هالله الدهر شيشيل جوره

يالتگول شلون حيدر ما أخذ حگ الرچيه

هاي حكمه وسرها غامض من أمور السرمديه

والدهر ما گاد حيدر گادته بنود الوصيه

ولوما علي ببنود سيفه ينگاد...ماچان گادوا بالطفوف السجاد

ولاچان شاف الروس فوگ المياد...ولا حمل جور وأذيه

ومن حديد الجامعه يلوب گلبه

ورگبته تنزف دمه... من مصيبة فاطمه