آخر الأخبار

ديوان السادة

باب بيت المرتضه إنداعيها

11 سطرًا

باب بيت المرتضه إنداعيها الزهره لاذت بيك ما تحميها

آه يالباب اللي ما عندك وفه ما رعيت البيك لاذت خايفه

فاطمه اعزيزة أبوها المصطفه و تدري يآذيه الذي يآذيها

اعتاب عندي اوياك يا باب البتول ما رعيت الحرمه للهادي الرسول

ليش يا الباب إذنتهم بالدخول و تدري دوله القوم متعنيها

اعتاب عندي اوياك يا باب الأمين الما يدخلك جان غير المؤمنين

شو صرت ملجأ الكل الظالمين و الأصول أصبحت شو ناسيها

من دفعها و إنته شاهدت الوضع ليش مسمارك نبت وسط الضلع

إنته و الحايط صفيتوا ابفذ طبع و ما رعيتوا الزهره و ابواجيها

إنته يا الباب انظرت شنهو الجره و يوم حرقوك الأعادي الغادره

بقت نيران الظلم متوجره و لا فزع نغار ليطفيها

شارك هذا المحتوى
5٬492مشاهدة