قلب زينب بالصبر مثل الحديد و بالبلاغه شيدت صرح الإبه

اتحدت الحاكم الطاغوت العنيد ووقفت إقباله بشجاعه اتخاطبه

كيد كيدك و اسعى سعيد يا يزيد و بالمكر و الحيله جهدك ناصبه

و الله ما تحمي ذكرنه اشما تكيد و احنه أهل الشرف و أصحاب العبه

و تعجز اتموت وحي الذكر المجيد أكثر اظنونك سراب و خايبه

قدرك أستصغره و ذمك مايفيد و حتى توبيخك يزيد أستصعبه

و الصبح مقبل علينه و مو بعيد اترقب و احنه بأمل نترقبه

و النتيجه واضحه و يوم الوعيد من ينال ابفخر حسن العاقبه

بالخزي ابدنياك ابشر يا يزيد و بشنار و عار نار اللاهبه

احنه أهل الذكر و النهج الرشيد و الله خصنه ابها الشرف و المرتبه

و احنه جدنه الحرر الناس العبيد و هذبه الباري ابصفاته و أدبه

و احنه للمعبود قدمنه اشيريد و صرنه أجر الكل موده و مقربه

و عدنه عزه و ما نمد للذله ايد و الظلم طول الزمان انحاربه

و عدنه يا مرخص ثمن قطع الوريد و لا نخون البليمين انكاتبه

و آنه اخت الحسن و احسين الشهيد الشيبته ابدم الكرامه امخضبه

و اخت من خله الأرض قامت تميد و كربله تحلف ابرفة شاربه

آنه اخت القمر عباس العميد ابو الرايه الما طوتها النايبه

يظل جرح الثار ينزف ما يهيد لمن غايبنه يقوم المطلبه