نور الشافته العين .... أخت الحسن و احسين
بين اجفوف الكوثر
هالليله نسيم العافيه هب
و عن خد السمه كل بدر غرب
كشف الظلام و بزغ كوكب
هذا النور نور الحره زينب
هالنور الشع بدره.... زينب بت الزهره
شع من أصل بدرين.... أخت الحسن و احسين
بين اجفوف الكوثر
دوحه و تزهي برياض الرساله
فرحه للنبي المرسل و آله
خذت من الوصي هيبة كماله
وقار أمها الذي ما صح مثاله
بيت الناس اتعرفه .... منبع شيمه و عفه
خاوت وي إمامين .... أخت الحسن و احسين
بين اجفوف الكوثر
جلت حكمته صاحب القدره
من نوره جعل للبشر شجره
متمثله بأجل و أسمه عتره
و من هالشجرة زينب إجت ثمره
من الهادي المصدر .... ومن البضعه و حيدر
مصدر زينب من انين.... أخت الحسن و احسين
بين اجفوف الكوثر
من الطاهره و حامي دخيله
إجت للدنيه مفتخره العقيله
عقيلة هاشم و هيبه و جليله
خدرها بالعرب ما صح مثيله
الهادي القالوا أبتر .... ورث غصنه و أثمر
وين اللي حجوا وين.... أخت الحسن و احسين
بين اجفوف الكوثر
باجر بت علي حامي الحميه
اتكمل دور امها الزهره هيه
اشتصبر من صبر بالغاضرية
ما طخ راسها و ظلت أبيه
درب الحق عرفها .... يتسجل موقفها
بيرغ الدين .... أخت الحسن و احسين
بين اجفوف الكوثر
سجل من وكَت هاي الولاده
هالحره الاجت من نسل ساده
اتعلم الزلم لدروس القياده
اتكمل بالصبر فرض العباده
أمر الثوره اتكفله.... و عهد الخوه اتسجله
تربيت الميامين.... أخت الحسن و احسين
بين اجفوف الكوثر
قرت عينك بزينب يا كرار
باجر بيها فكر الدهر يحتار
تتربه بحجر حاضن الأطهار
و مثل دارك حوت أقمار يا دار
انريد الليله ابشاره .... منك يبو الشاره
سجلنه موالين.... أخت الحسن و احسين
بين اجفوف الكوثرشنهي النور الأزهر بين اجفوف الكوثر
قصائد قريبة من الجو نفسه
ديوان السادة
51
سطرًا
