زينب بت علي زينة أباها

و من بحر الإبه يجري إباها

حقي بيها لو أمدح و أباها

مواقف سجلت بالغاضريه

جفني ادموع بالفرحه يسلها

و روحي افراق أحبتها يسلها

قلبي رايد الزينب يسلها

متى انزورج يبن حامي الحميه

زينب عالمه شايع علمها

ورفعت بالفخر و العز علمها

بت حيدر طلعت علمها

ورثت هالفصاحة الفاطمية

ربح كلمن الحامي الجار واله

و خصم المرتضه للنار واله

صلوا اعلى النبي و آله

انولدت زينب الحرة الأبيه

مواقف زينب العالم شهدها

اعله كل السان ظل يجري شهدها

لمها الزهره هليله شهدها

الصلاة اعلى النبي سيد البريه

الباري الفاطمة بزينب بشرها

رغم عدوانها احترقت بشرها

و سماها النبي سيد بشرها

زينب بت علي حامي الحمية

حادي الشرف و العفه حدالها

بحر زاخر و لا يوجد حد الها

زينب و الدهر سيفه حد الها

انحور انطت و لا ذلت أبية

زينب كل جبل راسخ رسلها

جدها المصطفه خاتم رسلها

رسالة شوق دلالي رسلها

لخت عباس سبع الغاضرية

زينب و السجايه أجمع وعدها

احسين بيومه خبرها وعدها

صبر من فاطمه الزهره وعدها

الشجاعة و البلاغة الحيدرية