راعي العلم جيناك رد الظعن بحماك

دنهض رفعة الراس طر القبر عباس

هاك العلم و الطاس هاي الحرم تنخاك

لا لا تخاف اللوم من قبرك لينه قوم

يا خويه ابهذا اليوم لا تنسه الما ينساك

عباس ابها الليله تنخاك العقيله

حاميها اوي العيله و الصارم بيمناك

حماي الظعينه لا لا تخلينه

جاوبها لسكينه ليش اخلفت وعداك

وعدك ترويها خويه و ترد ليها

مدرينه اتخليها يولوها هاي اعداك

من أرض المدينه بحماك اتعنينه

و بزودك اسكينه اتعنت يخويه اوياك

و الكربله جينه مشونه و ردينه

و افراقك ماذينه ما نقدر ابلياك

لرض المدينه انريد للماضي اوياك انعيد

ليها و الشوق ايزيد بيها أمك التتناك

و مني ضوه لعيون لم البنين اشلون

فرقتها خويه اتهون ما تقدر الفرقاك

وياك اعيال احسين يا خويه اوي الجفين

و خله السهم بالعين رد بينه نترجاك