يا با الفضل .... إنته الأصل....راية محمد رايتك

هالرايه من وقعة بدر إنطاها الرسول الحيدر

و بيها دخل غزوة أحد و حرب الأحزاب و خيبر

هالرايه داخرها علي الجفك و جفك محور

رادك تزمها ابكربله و جبهة حرب تتصدر

راية نصر .... للطف ذخر....حيدر دخرها اليمنتك

هالرايه إكليل النصر و المصطفه كللها

من يمنته انطاها العلي و ابصفحته سجلها

و المرتضه اذخرها إلك هالرايه خصك إلها

يا با الفضل غيرك عجز بس يمنتك تحملها

جفك حمل .... راية أمل....جدد نصرها ابحومتك

ابها الرايه للطف اقصدت و بعزمك اتباريها

رايه و بإقدام و إبه اتخوض الملاحم بيها

تتراجف اقلوب الزلم من تسمع ابطاريها

هالرايه دهرك ما قدر يا با الفضل يطويها

بهذا الوصف .... بيدك ترف....تزهي و تشع ابطلعتك

يدوي صداها بالدهر و الموت يرجف منها

و حين ارفعتها ابكربله هالجيش نشدوا عنها

منهو الحمل راية علي و منهو الذي عالنها

و لن الخبر إلهم وصل جف القمر موطنها

خصمك نفر .... من هالخبر....يعجز يقابل همتك

هالرايه محور للوفه رفت الأشرف غايه

لو ما نزل حكم القدر ما تهوى هاي الرايه

دخلت أبواب التضحيه و طاحت عالمسنايه

ما تهوى لو ما ينقطع جف الوفه و عطايه

يم النهر .... حان القدر....رايه و هوت يم جثتك