أنحب وانشد من الناس.... والناس شيگلولي

آنه بگلبي خمس جروح.... خزنن وشيسوولي

ناس تساعد المهموم.... والناس انفروا مني

لاهم مثلي بالحسرات.... ولا ونّوا مثل ونّي

أصبح وامسى بالحسرات.... وهم البيّه چاتلني

حزنانه يشوفوني.... وأنعى الگضوا عني

هم يعود ليه ردود.. إبني ويوگف بطولي

آنه أم البنين الغاب... سعدي وانهدم بيتي

عيني مساهره وربيت.. وما ضيعت تربيتي

وجهت لهفتي وصيت وليدي وافسد وصيتي

وشلون اربعه ضحيت.. بيهم مرتفع صيتي

هم يعود ليه ردود أبني ويوگف بطولي

رضيت وأهز مهود.. وأتأمل أمل غالي

سهرانه وعد نجوم.. بيهم جم نجم خالي

بدمي جم رضعت شبول.. حيدر وتلفت حالي

وبيهم مولحن عيناي لونه وخلص دلالي

هم يعود لي ردود إبني ويوگف بطولي

عون وجعفر وعباس... وعبدالله اليزيل الهم

بيهم شحملت آلام... بس رب العرش يعلم

ومن تبرعت بيهم.. خل يتخضبون بدم

خليه ينجرح گلبي.. وگلب الزهره خل يسلم

هم يعود ليه ردود إبني ويوگف بطولي