يمه و ابهز المهد ذكريني و لولي ليه ابغربتي و ناغيني

آنه أظل وياج جن طير السعد تبقه روحي اتحوم يمه اعله المهد

بالج اتنوحين و الحالي بعد و دمعتج فوق الوجن تاديني

هزهزي للمهد يمه ابسمتج و ابتسم لج ماني ثمرة جبدتج

رسمج ابدلالي و آني مهجتج عدي بقليبج يا يمه اسنيني

و اللي ردتي الدنيتج ليه ذخر أحن ليج و أرعه أيام الكبر

ليش عفتي اوليدج السهم الغدر و آنه ظني ابثديج اترويني

لون ثديج يبس من حر الشمس و العطش ناره لعد قلبج يمس

امعلقه بالماي من عندي النفس اشلون ليه للعده اتعوفيني

يحل كل موزمه عمي بالمحن ما يهاب الموت و اتهابه الفتن

ما نخيتي ليش حماي الظعن يروي مني جبدتي و يحميني

عمي العباس كالحمزه مثيل ما تعوفه الفتن لا منهن يمل

اشلون يحمل قلبه يتلظه الطفل يدري نيران العطش تسبيني

لجن مو للماي دم دمعي جره و الذي هيج دليلي ووجره

اشلون عاف احسين مرمي اعله الثره ابحظنه ضمني ابجفه غمض عيني

يمه ما تدرين و بعودي اشسده غمض اعيوني و ترض صدره العده

ابقيت و بجفه شبه قطر النده ترض بيه الخيل ما يخليني

يمه لو عني مشيتي للغرب اميسره و اليسر أدري اشقد صعب

بالج الدمعات و الحالي تصب نشدي عالعباس لو عفتيني