صرخة حزن صرخة مصايب و آلالام من صوب مسلم لعد صوب الأكرام

يحسين تنتظرك اجيوش الظلام و دنيانه جور و صفت سود الأيام

قوم اللي اوصل عالوعد يرودني بسما إجيت إلهم وسف عافوني

بالكوفه حاير يا شهم خلوني و دمعة الغربه فايضه بعيوني

يحسين قلبي من أذكرك يلهب و لو ردت تقدم مهجتك تتصوب

و بالكوفه مثلي يا شهم تتغرب و الأشد من حالتك حالة زينب

بالكوفه شفت الظلم من هالوادم عافتني وحدي و بايعت للظالم

و اشلون لو عوِدت عيلة هاشم جم كَلب من العيله يبكَه هايم

و من دار غربه مهجتي اتناديكم كل فكري يا مظلوم ظل اعليكم

جني أشاهد هالعده توليكم و بالغربه مثلي يا وفي اتخليكم