آه يحسين آه يحسين انعزيك بمسلم يحسين

مسلم ابن حامي الجار بالكوفه أصبح محتار

أصبح غريب بهالدار ما عنده يحسين امعين

شحجي لك من الكوفه و البغذر معروفه

و البلظلم موصوفه و اعله الغذر متعلمين

من نزل بالكوفه و شاف صلوا وراه بالالاف

ما عرف تالي ينعاف و يحاربوه الطاغيين

عد هاني بن عروه راح من الوضع ما مرتاح

يا هاني يا هاني صاح گلها اعله جتلي ناوين

گله بمسلم تخبر و الكوفه ماضيها بشر

اشعملوا بعمك حيدر حاربوا عمك و الدين

و الحسن تدري غدروه گوم الأعادي خانوه

لبن النبي ما راعوه دارت عليه الصوبين

و امصاب مسلم ما صار من ذبوا اعليه النار

صاروا يذبون احجار و اعله الغذر مصطفين

سل صارمه و گابلها و اعله الارض جندلها

فارس الكوفه ذلها و جدد حرب صفين

حاطت عليه العسكر و انطوه أمان من الشر

و نار العطش بيه تسعر و مصيوب من الشفتين

القصر الاماره جابوه و المسلم الحر جتلوه

من مثل مسلم يرموه و الناس تنظر بالعين

بالحبل بالسوق انجر بالترب جسمه اتعفر

لمصابه منه اتصور نجري الدمع عالخدين