وصل مسلم و الرسالة بيمنته و طلعت الكوفه بجمعها اتلگته

سمعت بمسلم و اجت اتشاهده و عن وصول احسين ليه اتناشده

تعلن البيعه و ترد اتعاهده و تتنطر يا يوم موعد جيته

صاح مسلم يالتسمعون الجواب آنه جيت بأمر من سيد الشباب

أحمل من احسين للكوفه كتاب خل تبايعني اللي تطلب بيعته

وينها الوقعّت آلاف الكتب خل تساعدني اعله حقها المنغصب

و آنه طب جدامها السوح الحرب و أفضح ابن ازياد هوه و سلطته

بالصلاه من شافها وقفت صفوف قال هذي الما تخاف من السيوف

لجن من خلص صلاته و لن يشوف عافته الوادم غريب بوحدته

ما كفاها نقضت وياها العهود اوحيد مسلم عافته بين الحشود

سابح بدم ركبته بروحه يجود انجان زين بالهوضع لو عافته

جابته مجتوف أصحاب الغدر رايده ابن ازياد ينطيها شكر

قادته بلا مستحه السطح الگصر و للأرض يا حيف شمّرة جثته