رد الضعن يا حسين غدروني بالكوفه

آنه الغريب المحتار لا أهل عندي و لا دار

غذروني بالكوفه

مسلم و أنادي بالحزن و المدمع رد يبو السجاد الضعينه و ارجع

بالكوفه لو صبرك جبل هم يجزع و الكوفه كوفه و عالغذر تتطبع

و حالي يا بو السجاد يا ريتك اتشوفه

غذروني قوم الأشرار لا أهل عندي و لا دار

أقسم عليك ابوالدك داحي الباب و بأمك الزهره و ضلعها المنصاب

رد الضعن رد بهلك و الأصحاب دلالي بالكوفه يا بو اليمه ذاب

أنحب ابصوت النوح و ادموعي مذروفه

و دلالي يتلاهب نار لا أهل عندي و لا دار

عالدرب شبحت يا بو اليمه اعيوني خايف لون تحضر تخيب اظنوني

و اتغذرك الوادم اللي غذروني بالكوفه وحدي ابحيرتي خلوني

بالغدر و الأخداع هالزمره معروفه

ما تعلم ابحالي اشصار لا أهل عندي و لا دار

جني أشاهد هالوضع من تحضر اتخونك القوم و جثتك تتوذر

جني أشوف ايطيح جسم الأكبر و عبدالله ينصاب ابسهم بالمنحر

و جن أنظر العباس تتقطع اجفوفه

و زينب تحشم الأطهار لا أهل عندي و لا دار

و دلالي متصوب الليله ابجرحين جرح البقلبي و جرح قلبك يحسين

درب اليجيبك راح أصد بيا عين هالدرب درب الفاجعه و درب البين

وجهي عليك اليوم أوصافه مخطوفه

و حاير يبن حامي الجار لا أهل عندي و لا دار

مهموم قلبي امن المصايب مهموم منفرد وحدي و حاير ابين القوم

و ريتك تشاهد حالتي يا مظلوم هاليوم يوم الما حصل مثله يوم

إسم السقيفه اليوم متثبته احروفه