اتشيعك اجت أفواج من الأملاك

كل نبي و مرسل يا محمد ناداك

بدمعة حزن نسمع تنوح الأفلاك

نادت على الدنيا العفا .. آهٍ لفقد المصطفى

اعليك الكتاب ينوح ويه الآيات

كل اكتب تجري و تهل الدمعات

انجيل وزبور وصحف و التورات

ناحت تواسي المصحف .. آهٍ لفقد المصطفى

هل دمعته اعليك الكتاب المسطور

يبچي الحجر و ينادي بيت المعمور

وانهدم من للمسعى و المشعر سور

و مشعل العدل انطفى .. آهٍ لفقد المصطفى

مكة و منى مروة وصفا تبچي بدم

چان العذب دم تجري قامت زمزم

بالجنة حور العين نُصبت مأتم

دين و دنيا هتفا .. آهٍ لفقد المصطفى

يومك على الاسلام أشد من كل يوم

ما چان بوجودك أبد كل محروم

و لا ظالم بحكمك بُقى و لا مظلوم

بعدك ناح الشرفاء .. آهٍ لفقد المصطفى

أصبح القرآن بغيابك مهجور

عاشت الأمة تالي وسط الديجور

بعترتك لاهي اتمسكت و الدستور

ويلٌ لأصحاب الچفا .. آهٍ لفقد المصطفى

لمصابك ادموع الحزن ما تنشف

و لفقدك ابلوعة و ألم نتأسف

بغيابك اويانا الدهر ما أنصف

كم حاقدٌ منا اشسفك .. آهٍ لفقد المصطفى