إقبور أجدادك تعلم بيها ....يا مهدينه

أعداء الدين امهدميها.... يا مهدينه

ما ظل منها أثر....حتماً عندك خبر

يا مهدينه

مقبرة البقيع اوياك نريد اليوم نقراها

بيها اشصار من احداث نكشف كل خفاياها

جنايه صارت اعليها عشناها و لمسناها

قبور أجدادك الأطياب مهدومه نظرناها

حرمة أجدادك هتكوها....ما راعوها

و احدود الدين اتعدوها....ما راعوها

كل آيات السور ....حتماً عندك خبر

يا مهدينه

كل حزن الدهر شفناه يالمهدي عليك ايحوم

مثل جدك علي مالوم مثلك منوجد مالوم

تعود عالسهر جفنك ما يهنه ابلذيذ النوم

تنام اشلون و انته اتشوف مرقد للحسن مهدوم

قبة قبره التزهي الخضره ....ما خلوها

يالمحجوب و هيبة قبره.... ما خلوها

يا عنوان الفخر....حتماً عندك خبر

يا مهدينه

يم قبر الحسن موجود قبر نروي لك أخباره

حين اتشوفه يالمهدي دمع عيناك يتجاره

قبر جدك علي السجاد أبد ما عرفوا أسراره

مثل آثار ضلع أمك الزهره باقيه آثاره

قبر السجاد إنشد وينه....يا والينه

اويه القاع اعداك امساوينه....يا والينه

عن كل هاي الصور....حتماً عندك خبر

يا مهدينه

تكابر عالمحن طبعك نعذرك لمن اتكابر

بقيع أجدادك انسمعه يصيح و يطلب الناصر

فجيعه اتزلزل الأكوان فجيعة مرقد الباقر

إلهدم قبره يبو صالح لئيم و حاقد و غادر

الهدموا قبره ما يردونه..... نوصل قبره

ظلام و دوم ايمنعونه..... نوصل قبره

عن خصمه اللي غدر....حتماً عندك خبر

يا مهدينه

يا شبل الحسن تاريخ عدنه ابكل زمن ناطق

بين العدل و الإرهاب يخلي فاصله و فارق

لحداث البقيع ايقول مسبب سائق و ناعق

الكسروا ضلع للزهره هدموا مرقد الصادق

قبر الصادق باب الرحمه ....ما يردونه

جند إبليس أشرار الأمه....ما يردونه

شرهم ضده ظهر....حتماً عندك خبر

يا مهدينه

قبر الطاهره الزهره و الله لون يندلوه

الجناة أعداء دين الله من وجه الأرض يمحوه

حقد اسلافهم بيهم متجذر و لا ينسوه

في كل زمن يالغايب ضد اجداك ايظهروه

كل مرقد يزهي ايشوفونه....يا مولانه

يردون اليوم ايفجرونه....يا مولانا

عن أشرار البشر....حتماً عندك خبر

يا مهدينه