يا حسين أنصارك تعرفنه و ميعاد المصرع يكشفنه

أنصارك عالموعد جينه و ابلهفه و شوق اتعنينه

لجلك بالموت اتواصينه و بإسمك يا مظلوم اهتفنه

أنصار احنه و نهتف بإسمك كثرة عدوانك لا تهمك

ننطي ادمانه و نحفظ دمك داعي الإصلاح ايوصفنه

وفينه اوياك ابموعدنه جينه و عالموت اتعاهدنه

نرخص لجلك كلما عدنه هيهات الظالم يحرفنه

رغم الرايد يعلن حربك نتمسك يا حسين ابحبك

أنصار و ماشين ابدربك رغم الرايد يستهدفنه

عن دربك لا تظن نتردد مهما جاروا ما نتتبعد

أنصارك و الخالق يشهد عالعالم بيك اتشرفنه

ما يموت اليرخص لك دمه شخصك أشرف ما بالأمه

وجدانك للعالم رحمه و احنه الها الرحمه استكشفنه

يا رحمة بارينه إختارك هاك اسمع صرخة أنصارك

ما نترك يا حسين آثارك و لا عنك مذبح يصرفنه

إلنه الموت امحتم أصبح وياك الموعد بالمذبح

من دمنه الينزف نتوشح خسران الراد ايخالفنه