شال الجود راعيه.... وشد عالمنيه

دون الخيم يتبختر..... مثل شجاعة حيدر

وبيمناه ماضيه..... وشد عالمنيه

طلعت وديعة فاطمة...... من الخدر مسروره..... بفرحة جبدها

شافت حليف الغانمه..... للفلك يسطع نوره...... جوجب سعدها

سل بوجهّه صارمه .... وهز رايته المنصوره.... عزها وضمدها

عد عيناج ناداها.... عزها وحماها

شوفي يا زينب شوفي.... دونج لضحي اجفوفي

وطگ عجود خطيه.... وشد عالمنيه

لزمت عنان مطهمه.... وتعلگت بالرايه..... ونادت وليها

لعيالك يمسها الظمه.... وهذا الفرات ومايه..... يحرم عليها

والطفل ذابل مبسمه... وأم الطفل شگايه..... يابس ثديها

دخذي الماي من عيني.... يالتحشميني

والمشرعه وما بيها..... طي السجل لطويها

وإخذي علوم مرضيه... وشد عالمنيه

داس برجابه وگطعه... وهاجت بجسمه الهمه... وارتجز وأغضب

عندج علم يامودعه..... جسمي الدرع ما يلمه.... يوم الملاعب

جيش اليگف عالمشرعه... لخبط الماي بدمه... وهلهلت زينب

للعباس وعلومه.... زهرت ارسومه

وبحيدره يتجنه..... يتبختر ويتثنه

ويجدح نار هنديه.... وشد عالمنيه

روح الفراسه بحيدره.... وعباس أخذ دستوره.... بيوم الفراسه

يشهد له يوم الگنطره..... مثل علي بكل صوره..... بدم الحماسه

صاح برفج يامخدره... نامي برغد منطوره.... بفي الحراسه

يوم الكون وأخطاره ......من تشب ناره

دونج لذب مجهودي... وأخبط الكون بزودي

وبسم حسين صافيه.... وشد عالمنيه