يهل رحتوا بسلامه.... وبگت هاي اليتامه

شدبر لو چنت وحدي ددلوني

عمتني النايبه وماتوچد عيوني

يهل رحتوا بسلامه

زينب بدمعة حزنها المن عيون الگلب تنصب

وجمر نيران النوايب والحزن بالگلب يلهب

صاحت وبالصيحه نادت ياهلي خدري المرتب

من ساعة الطاح العلم.... والنار تلهب بالخيم

والجمر بگلوب الحرم .... والخدر راح وتسلب

ادافع عن شيمكم ..... وشاگف عن حرمكم

وأنا بهالحال ياهلي لو تشوفوني

عمتني النايبه وماتوچد عيوني

يهل رحتوا بسلامه

محيره وتجذب الونه والدمع دم يتجاره

تصيح يا ليوث الحرايب ما بگت للحرم جاره

الخيل من الخيل هجمت على مخيم غدت داره

ولا والي عدنه ولا حمه..... جان ويرد الهاجمه

بس حرم بالبر هايمه.... وگلبي ما ياخذ قراره

خيمنه مفرهديها.... وحرمنه مسلبيها

أنخي والسياط مورمه متوني

عمتني النايبه وماتوچد عيوني

يهل رحتوا بسلامه

إعتنت زينب وبگلبها النار تسعر

تعثر نوبه تگوم نوبه ونوبه عالغبره إتكور

وين يا عز الفواطم جسمك الزا?ي تگنطر

دهري يابن عقد الوله...... شتت شملها العايله

وظلت حريم بكربله.... محيره الله وأكبر

عگبكم ضيعوني... يابو اليمه وسبوني

وأنا بديرة غرب محتاره عفتوني

عمتني النايبه وماتوچد عيوني

يهل رحتوا بسلامه

تگوم من يم جسم تگعد يم جسم والدمع هالي

ياخوتي مر المصايب والهضم مرمرن حالي

فگد جدي وضلع أمي وجتل ابويه الشده بالي

الحسن بالسم إنغدر.... وجرعت سطوات الدهر

ماضعف عزمي ولا فتر.... لاجن تغير دلالي

أخوتي الدللوني.... بحميتهم جسوني

بعد ماحسبت وحدي يخلوني

عمتني النايبه وماتوچد عيوني

يهل رحتوا بسلامه

ياخوتي والليل هذا بالحزن مجبل عليه

وين حامي الحرم وينه والتوزم بالسنيه

أظن مگطوعه يمينه وعالنهر جسمه رميه

وين البدور المزهره.... والخدر زينب ناطره

جي ترضى أبگى محيره.... فراگكم يصعب عليه

أجر حسره على حسره.... ودليلي شلون أصبره

وأسكّن من عگبكم يالكفلتوني

عمتني النايبه وماتوچد عيوني