ياحسين وهبت للعالم حياتك.....ومشعل التاريخ صارت تضحياتك

قدمت بإسم العقيده تضحيات.....قصدك نعيش بسعادة بهالحياة

وإنت خالد ياحسين ويا الزمن

من الأزل كوكب تجلى من سنا الثاني مقامه

نوّر أفلاك العوالم من المبدأ للقيامه

وأثر هذا النور صار بجبهة المؤمن علامه

يالجبهتك منه تشع .... تبصّر بناظر ورع

بالنور وبسره إطلع.... وإقتدي بنور الإمامه

ياحسين إنصرت دين الله ورسوله....وحفظت للدين أحكامه وأصوله

تشهد الأرض وسماها يا حسين.....أصبحت إنت إمام الثائرين

وإنت خالد ياحسين ويا الزمن

من بنى الأرض وسماها الباري بأسرار الإراده

تاج صيّغ لبو اليمه وجمّله بنور السعاده

والقلم باللوح سجل إسمه بحروف الشهاده

وبذكره تسبيح الملك.... من فلك يندار الفلك

من لطف معبوده ملك.... نور قدسية بلاده

ياحسين ونهضتك نهضة عداله.....تضحياتك هدمت عرش الضلاله

وبسما الإسلام كوكب للرشاد......ومهدت درب العقيده للعباد

وإنت خالد ياحسين ويا الزمن

نور ابو السجاد كوكب ذهب مشكاة الرساله

گبل تكوين العوالم حاذق بعرش الجلاله

نور من عالم العالم شاءت الحكمه إنتقاله

بسر الإله ينتقل.... يزهر بآفاق الرسل

وتمركز بأفق العدل.... حيدر السن العداله

ياحسين وبالگلب صورة ولاءك.....يالحييت الدين يجمعنا نداءك

جعلك رب الكون رحمة لهالوجود......بخدمتك ياحسين فزنا بالخلود

وإنت خالد ياحسين ويا الزمن

هاجت أفكاري بعقيده وجالت آفاق الشعاير

وشاهدت هذي الشعاير بنور شمس وگمر باهر

والشمس بهجة حسين وگمر هاشم نور زاهر

والگمر من ضي الشمس..... نور المعاني مقتبس

تبتهج بأنوار النفس .... للمحب ينعم نواظر

ياحسين وإنت للإسلام جوهر......تضحيات الدين من جدك وحيدر

مثلت جدك وحيدر بالجهاد.....مصلح لأمة محمد باعتقاد

وإنت خالد ياحسين ويا الزمن

لو ردت برهان مني وگلت هالمعنى بعيده

خلي مرآة الولايه اگبالك وصد بعقيده

وإمسك وعين الإنصاف تشاهد النور التريده

من نور أبو اليمه عمد .... صاعد لعد عرش الصمد

نوره يخطف عين الحسد..... للنكر فضله يچيده

ياحسين ويا الزمن إسمك تخلد.... كعبة الأحرار والأحرار تشهد

إنت مثلته لمحمد بالصفات... يالدعيت الناس للحگ والجهاد

وإنت خالد يا حسين ويا الزمن

صد لعد نور الحسين بناظر من الحسد خالي

و?لب معجون بولاهم وأرد ابشرك يالموالي

هسا تشوف النور طوگ مخشه ارگاب المعآلي

وإيد العليه صاغته....بعقود عصمة رصعته

وفاضل الطينه لبسته... ولا أغالي ولا أبالي

ياحسين وبإسمك المعبود يتقبل عملنه.... وبالحشر ياحسين نتسلم أجرنه

والاجل منك يا روح المكرمات..... يا حمانه بالخطر والنائبات

وإنت خالد ياحسين ويا الزمن